7.7.2008 | 01:44
Glatt var í Glym: Takk, Hansína og Jón Rafn
Guðmundur á Finnbogastöðum á marga vini og velunnara. Um 400 gestir komu á hátíðina á Hótel Glym í Hvalfirði, sem staðarhaldarar héldu af mikilli rausn og stórhug. Alls safnaðist hátt í ein milljón króna á hátíðinni, og er það langt framar björtustu vonum.
Hansína B. Einarsdóttir og Jón Rafn Högnason sem eiga og reka Hótel Glym með miklum glæsibrag létu alla innkomu af kaffihlaðborði renna í söfnunina til styrktar Guðmundi og endurreisnar Finnbogastaða.
Þá gáfu listamenn verk í uppboð sem Sveinn Kristinsson stjórnaði af röggsemi.
Sólin skein á hátíðargesti, sem sumir komu um langan veg til að sýna samstöðu með Guðmundi. Sjálfur kom Guðmundur að norðan og var manna glaðastur í góðra vina hópi.
Hansína og Jón, listamennirnir, starfsfólkið á Hótel Glym, gestirnir allir sem einn, verðskulda fjórfalt húrra fyrir stórkostlegan dag.
Við segjum nánar frá hátíðinni á Hótel Glym á næstu dögum.
Við minnum á söfnun Félags Árneshreppsbúa til styrktar Guðmundi Þorsteinssyni á Finnbogastöðum. Reikningsnúmer: 1161-26-001050 Kennitala: 4510892509.
Flokkur: Bílar og akstur | Facebook
Athugasemdir
Frábært !
Ragnheiður , 7.7.2008 kl. 10:45
Æðislegt framtak...
Agnes Ólöf Thorarensen, 9.7.2008 kl. 23:22
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.